PRONET - Shitja me Pakicë (SHPAK)

	HYRJA	PUNËSIM	PËR NE

E Mërkurë, 8 Shkurt 2012

Ekipi i Pronetit i kushton rëndësi të veçantë realizimit të sistemeve të integruara, gjegjësisht përdorimit të shërbimeve informative në secilën shkallë të punës së ndërmarrjes. Programi SHPAK (Shitja me pakicë) zëvendëson plotësisht përdorimin e arkës në pikën

(vendin) e shitjes dhe jo vetëm kaq. Shpak mban evidencën e shitjeve ditore si dhe të stoqeve në shitore. Ndërlidhja e programit SHPAK me programin SIN mbyll harkun e automatizimit të plotë të evidencës materiale dhe finaciare të ndërmarrjes tregtare në tërë procesin e punës.

Përdorimi i barkodeve të shtypura nëpër artikuj për mbajtjen e evidencës financiare dhe materiale është bërë vegël e pazavendësueshme që sot përdoret në gjithë botën. Për shefin e shitjes në shtëpin e mallrave në Minhen është e paparamendueshme mbajtja e evidencës pa përdorimin e barkodeve. Programi SHPAK përkrah plotësisht punën me barkode si dhe përdorimin e shtypësve POS (point of sale), shtypësve të vegjël, të shpejtë, të projektuar special për punë në pikën (vendin) e shitjes.

Elementet tjera që karakterizojnë programin Shpak janë:

interfejsi për shfrytëzim - i cili është user friendly, është i lehtë për tu mësuar, është praktik për përdorim dhe shumë i përshtatshëm për realizimin e kërkesave të ndryshme të shfrytëzuesit. Secili shfrytëzues mundet sipas shijes dhe nevojave që ka, t'a rregullojë dukjen e të dhënave në ekran (paraqitjen e të dhënave, madhësinë dhe pozitën e dritareve, ngjyrën e elementeve në ekran, etj.)
puna shumëshfrytëzuese - në mënyrë origjinale është e zhvilluar procedura e kriptimit të të dhënave, ashtu që secili shfrytëzues me futjen e emrit dhe parollës së vet fiton të drejta dhe restrikcione të caktuara. Qasja të dhënave sekrete dhe ndryshimi eventual i tyre mund të bëhet vetëm me dhënien e parollës përkatëse.
puna në rrjet - përvoja jonë shumëvjeçare në instalimin e rrjetave (mbi 100 realizime) dhe partneriteti me Novell-in i cili është distributeri më i madh botëror i softverit për rrjet na ka ndihmuar në projektimin e punës në rrjet të aplikacionit. SHPAK-u punon në rrjet me më shumë shfrytëzues plotësisht normal dhe kujdeset për të gjitha elementet e nevojshme për punë të tillë.
dizajneri i raporteve - nënprogram i cili mundëson dizajnimin e raporteve të reja dhe ndryshimin e atyre ekzistuese. Praktikisht secila letër që shtypet krijohet në këtë gjenerues të raporteve. Përparësi e madhe e këtij nënprogrami është fleksibiliteti i plotë, ashtu që dukja e dokumenteve të shtypura si dhe përmbajtja e tyre mund të ndërrohen pa pasur nevojë për intervenim nga ana e autorit të programit.
sistemi për ndihmë - sistemi interaktiv për ndihmë është gjithmonë i pranishëm dhe aktivizohet me shtypje të një tasteri. Sistemi i ndihmës (Help sistemi) është i ndieshëm në përmbajtje, çka do të thotë se me aktivizimin e tij hapet ndihma e cila ka të bëjë me atë pjesë të programit në të cilën gjendemi. Gjithashtu, ekziston edhe indeksi i temave, temat e lidhura, etj.
sistemi për manipulim me të dhëna - është njëra nga mundësitë më të fuqishme të aplikacionit. Ky sistem mundëson manipulime të ndryshme me të dhëna, filtrimin e tyre dhe sortimin në bazë të çfarëdo kushti, si dhe përgatitjen për paraqitje grafike.

| | |