PRONET - REST

	HYRJA	PUNËSIM	PËR NE

E Enjte, 29 Korrik 2010

Në lokalet me destinim shërbyes-hotelier parametër me rëndësi është kryerja efikase e shërbimeve, po me qëllim të funksionimit të suksesshëm , edhe mirëmbajtja e evidencës për shërbimet e kryera, për pagesat, për furnizimin me artikuj, etj.

Posaçërisht, në restoranet moderne që ofrojnë spektër të gjerë të shërbimeve, që kanë kapacitet të madh të pranimit të mysafirëve e si rezultat i kësaj edhe numër të madh të të punësuarve, paraqiten probleme. Kjo ndodh për shkak të volumenit më të madh të punës çka tërheq me vehte evidencat e shumta mbi hyrje-daljet, llojet e artikujve, llojet e pagesave, porositë, … Kur kësaj i shtohet edhe personeli numerikisht më i madh si dhe puna me ndërrime, që nënkupton mbajtjen e kësaj evidence nga ana e më tepër personave, gjendja komplikohet edhe më shumë.

Për këtë destinim është paraparë sistemi REST. Është përpiluar si përgjegje në kërkesat e shumta dhe në problemet e përditshme që paraqiten gjatë punës në qendrat hoteliere, gjegjësisht gjatë punës së pronarëve si dhe të të punësuarve si bartës të shërbimeve. Me një varg të aplikacioneve përcjellëse, REST paraqet një sistem të integruar i cili ofron rrugë të lehtë dhe kualitative të futjes së informatikës në restorane, kafeteri, diskoteka dhe në lokale të ngjajshme shërbyese-hoteliere. Puna operative e kamarierëve dhe njësive organizative të restoranit (si: shanku, kuzhina, ëmbëltorja, etj) është e përfshirë dhe e mbuluar plotësisht.

Mundësitë kryesore të aplikacionit REST janë:

Programimi i deri 164 artikujve në tastierën speciale
Numër i pakufizuar i kartelave magnetike programative të kamarierëve
Puna e më shumë PC-ve në rrjet
Gjendja sasiore e njësive organizative
Programimi i autorizimeve të personelit
Programimi i artikujve të ashtuquajtur meny (përbëhen prej artikujve të tjerë)
Rregullimi parametrik i shumë opcioneve, si: shtypja e blloqeve interne për porosi, shtypja e porosisë për mysafirë, mbyllja automatike e tavolinës dhe shtypja e llogarisë, etj.
Raportet e ndryshme për qarkullim, punën e kamarierëve, gjendjen sasiore të artikujve sipas njësive, etj.
Ruajtja e historisë së ndërrimeve dhe paraqitja e të gjitha raporteve për ndërrimet e mbyllura
Përkrahja e POS shtypësave dhe shtypësave linearë matricorë
Puna dygjuhësore e aplikacionit
Komunikimi me porosi në rrjet në mes të PC-ve

Aplikacioni REST e ka edhe mundësinë e rregullimit opcional të mënyrës së funksionimit dhe atë varësisht nga specifikat e restoranit dhe varësisht nga secili shfrytëzues i regjistruar i aplikacionit.

| | |