PRONET - Partnerët

	HYRJA	PUNËSIM	PËR NE

E Mërkurë, 8 Shkurt 2012

Distribuimi, shitja, përkrahja dhe aftësimi profesional për prodhimet e liderëve botëror në lëminë e teknologjisë informatike. Kemi zgjedhur disa partnerë strategjik që njihen në botë me produkte kulminante dhe të aplikuara me sukses në mënyrë që t'ia afrojmë ato bizneseve dhe institucioneve kosovare. Në vijim është lista e prodhuesve të njohur botëror, prodhimet e çmuara në treg të të cilëve mund të gjinden në Pronet dhe për të cilët ofrohet përkrahje teknike dhe konsallting.

	HP - afër dhjetë vite me rradhë është ndër tre prodhuesit më të mëdhenj botëror të PC sistemeve duke përfshirë kompjuterë për përdorim shtëpiak, për zyre, për biznese të vogla dhe ato të mesme, për ndërmarrje të mëdha, si dhe për institucione qeveritare, arsimore dhe shëndetsore. HP njihet në treg me prodhime serioze dhe të kualitetit të lartë që përbëjnë shtyllën e një sistemi modern informativ për afarizmin tuaj të suksesshëm. (www.hp.com)
	Microsoft - produktet më të përhapura dhe më cilësore softverike që përfshijnë sistemet operative, aplikacionet softverike për zyrë, paketet me vegla për zhvillim të softverit, softveret edukativo-arsimore si dhe ato multimediale. (www.microsoft.com)
	Cisco Systems Inc. - është lider absolut botëror në fushën e paisjeve aktive të komunikimit të të dhënave për Internet. Gjithashtu, router-ët dhe switch-at e Cisco-s përbëjnë shtyllën kurrizore të shumë sistemeve të telekomunikimeve, si të të dhënave ashtu edhe të zërit dhe videos. Kompania ka rritje të vazhdueshme të tregut të saj në lëminë e komunikimeve data/voice/video. Kohëve të fundit është shumë i popullarizuar grupi i prodhimeve të Ciscos për telekomunikim pa tel - Aironet Wireless. (www.cisco.com)
	EMC - siguron sisteme, softuerë dhe shërbime për të fuqizuar një ndër asetet më strategjike tuaja - të dhënat tuaja të biznesit. Qëllimi i EMC është të optimizojë infrastrukturën tuaj informative që të përmbush kërkesat dhe nevojat në rritje për menaxhimin e përmbajtjeve, sigurisë, arkivimit, ruajtjes së të dhënave dhe virtualizimit. Shiko për më tepër rreth EMC në (www.emc.com)
	3Com - është kompania që ka shitur më së shumti paisje aktive për LAN në botë. Janë të mirënjohura prodhimet e 3Com-it me kualitetin, performansat dhe qëndrueshmërinë e tyre. Në tregun kosovar është ndër prodhuesit më të çmuar dhe të kërkuar të switch-ave, hub-ave dhe kartelave të rrjetit. Seria më e popullarizuar e prodhimeve për rrjetat e vogla të zyreve dhe ato shtëpiake është 3Com OfficeConnect. (www.3com.com)
	Panduit - është kompani udhëheqëse në prodhimin e komponenteve pasive të komunikimit në rrjet. Katalogu i gjërë i Panduitit përfshin mes tjerash edhe komponentet pasive të kualitetit të lartë për bartje të të dhënave, të zërit, videos si dhe grupin e prodhimeve për instalime elektrike të tensionit të ultë. Komponentet pasive të Panduitit si prizat, kanalet, panelat terminues, komponentet ndërlidhëse, paraqesin element themelor për instalim kualitativ dhe me performansa të mira e që përmbushin me sukses edhe kërkesat ekologjike, ergonomike dhe estetike. (www.panduit.com)
	Belden - është prodhues kualitativ i kabllove komunikues dhe komponenteve pasive. Ofrohen kabllot e bakrit dhe ato optike me performansa të larta sipas standardeve me të reja në këtë lëmi. Gjithashtu, si prodhime të çmuara njihen edhe komponentet terminuese të këtij prodhuesi si prizat dhe panelat. (www.belden-europe.com)
	Conteg - Conteg është specializuar në zhvillimin dhe prodhimin e pajisjeve për telekomunikime dhe shpërndarje të të dhënave. Përmbushja dhe implementimi i standardeve të strikte janë fshehtësi të suksesit për kompaninë. Grupi kualitativ i dizajnit, qasje e pakompromis në kontrollin e kualitetit, si dhe përdorimi i materialeve të kualitetit të lartë në çdo produkt, na mundëson ofrimin e produkteve më kualitative në treg. (www.conteg.com)
	Rittal - është lider botëror me nam për prodhimin e kabineteve që përdoren për instalimin e paisjeve aktive dhe pasive telekomunikuese për nevoja të informatikës, telekomunikimeve, elektronikës dhe industrive tjera. Kabinetet dhe paisjet tjera të Rittal-it janë sinonim i cilësisë e efikasitetit dhe përdoren edhe nga prodhuesit më të njohur botëror të paisjeve telekomunikuese dhe të automatikës industriale për hosting-un e paisjeve të tyre në kuadër të instalimeve të sistemeve të llojllojshme. (www.rittal.com)
	Star Micronics - ofron një spektër të gjërë të printerëve POS Point-Of-Sale që aplikohen me sukses në supermarkete, shtëpia të mallrave, kinema, shitore, lokale hoteliere, etj. Me një fjalë, çdo kund ku klientit apo blerësit duhet ti ipet tiketë, faturë apo bllok-informatë. (www.starmicronics.com)
	Metrologic - është prodhues i njohur botëror i lexuesve optik të barkodit si dhe kompjuterëve doracakë. Sot, këto prodhime paraqesin nevojë të domosdoshme për çdo vend të kompjuterizuar të shitjes me pakicë apo me shumicë. Kompjuterët doracakë janë vegël e jashtëzakonshme për distribuimin e shitjes në terren. (europe.metrologic.com)
	Spica - është lider në Evropën Juglindore si prodhues dhe integrues i sistemeve të identifikimit automatik dhe të sistemeve per kolektimin e te dhenave. TimeSpace ofron zgjidhje komplete për kontrollimin e hyrjeve/daljeve dhe të monitorimit të orarit të punes për çdo kompani moderne. Përshtatshmëri e shkëlqyer ndërmjet harduerit dhe softuerit është e garantuar nga fakti që të gjitha komponentet kyçe janë të zhvilluar në "një kulm". Ky fakt garanton fleksibilitet të nivelit të lartë më se e nevojitur për integrimin e sistemeve dytësore të shumëllojshme siç janë lexuesit e kartelave, pajisjet biometrike dhe komunikimin e interface-ve (moduleve). (www.spica.com*)
	Prometric - është lider botëror në ofrimin e shërbimeve të testimit dhe vlerësimit. Në Pronet ju mund të caktoni terminin tuaj për testim të vlefshëm për çertifikatat e njohura të industrisë së TI si psh. Microsoft, HP, Oracle, Symantec, CompTIA, Dell, EMC, IBM, Juniper, Linux, Novell etj.(www.prometric.com)

| | |