HYRJA	PUNËSIM	PËR NE

E Hënë, 6 Tetor 2008

		2.10.2008 - Ben-af do të implementojë zgjidhjen Microsoft Dynamics NAV me ndihmën e Pronetit Kompania prodhuese, distribuese dhe e shitjes me pakicë Ben-af me zingjirin më të madh të supermarketeve në Kosovë ka nënshkruar marrëveshjen me Pronet për implementimin dhe integrimin e zgjidhjes softverike Microsoft Dynamics NAV për menaxhimin më efikas dhe sipas standardeve më moderne të operacioneve të kompanisë. Plani i projektit është që, duke filluar nga viti i ardhshëm, me sistemin e ri të menaxhohen resurset e kompanisë në financa, prodhim, furnizim, deponim, distribuim dhe shitje. 25.09.2008 - Western Union bëhet klienti më i ri i Pronetit nga industria e shërbimeve financiare Kompania Western Union, një lider botëror në shërbimet e transfertave të parasë, ka vendosur të shfrytëzojnë zgjidhjet e TI dhe shërbimet e Pronetit në të gjitha pikat e shitjes në Kosovë dhe në Shqipëri. Plani i Western Union është të fillojë me ofrimin e shërbimeve të reja të pagesave për klientet e tyre në Kosovë gjatë ketij viti ndërsa në Shqipëri në fillim të vitit të ardhshëm. 8.07.2008 - Pronet, për herë të tretë me rradhë, në mes të 10 kompanive më të rregullta në pagesën e tatimeve në Kosovë Në një ceremoni rasti, Oda Ekonomike Amerikane në Kosovë në bashkëpunim me Administratën Tatimore të Kosovës kanë publikuar kompanitë kosovare që janë tatimpagues më të lartë dhe më të rregullt, të cilëve u janë ndarë mirënjohje. Me këtë rast, për vitin e tretë me rradhë, Pronet është shpallur ndër 10 tatimpaguesit më të rregullt në Kosovë. 27.06.2008 - AUK institucioni i parë edukativ në rajon me Microsoft Campus Agreement Me konsulencën e Pronet, Universiteti Amerikan në Kosovë (AUK) ka nënshkruar marrëveshjen për licensim Microsoft Campus Agreement që i mundëson standardizim, zgjerim dhe optimizim të shërbimeve për studentët. Përmes kësaj marrëveshje, AUK tani e tutje do të jetë në gjendje që studentët t’i afrojë më pranë teknologjisë dhe shfytëzimit të produkteve më të reja nga Microsoft. Marrëveshja trevjeçare njëherit bën që AUK të jetë institucioni i parë edukativ nga Kosova në Developer AA (Developer Academic Alliance), anëtarësi kjo e dedikuar ekskluzivisht institucioneve edukative me fushë interesi në zhvillimet e fundit softuerike. Furnizimi përfshin 500+ licensa për desktop, të cilat do të jenë kryesisht në shfrytëzim të studentëve në AUK dhe për krijim të infrastrukturës së centralizuar për kontrollim, monitorim dhe distribuim të softuerit përbrenda AUK. 1.02.2008 - Pronet liferon infrastrukturën e TI për misionin e planifikuar të BE-së në Kosovë Pronet fillon me liferimin e paisjeve, softverit dhe shërbimeve përkrahëse për infrastrukturën qendrore të TI-së për misionin e ri të BE-së në Kosovë që po planifikohet nga EUPT. Misioni i ri i BE-së, që parashihet të ketë rreth 3,000 njerëz të angazhuar, do të përkrahë Qeverinë dhe Institucionet tjera të Kosovës. Pronet do të siguron liferimin e paisjeve dhe përkrahjen teknike për infrastrukturën qendrore të serverëve, menaxhimit të të dhënave dhe të data komunikimit duke u bazuar në produktet nga HP dhe nga Cisco Systems. 28.01.2008 - Sistemi kombëtar i rregjistrit të kredive në Shqipëri fillon punën Kryeministri Berisha mori pjesë sot në takimin e organizuar nga Banka e Shqipërisë për lansimin e regjistrit të kredive. Në përshëndetjen e rastit, Kryeministri Berisha u shpreh se funksionimi i regjistrit të kredive është një ngjarje tejet e rëndësishme, jo vetëm për Bankën e Shqipërisë dhe tregun bankar në Shqipëri, por për mbarë jetën e vendit. “Çdo hap drejt moshës dixhitale që hedh vendi është një hap drejt modernitetit, është hap drejt shkëputjes të asaj trashëgimie tejet të vështirtë të cilën ne kemi patur dhe vazhdojmë ta kemi në shumë aspekte.” u shpreh Kryeministri. Pronet ka zhvilluar dhe implementuar me sukses sistemin i cili do ti shërbejë të gjitha 18 bankat komerciale dhe disa institucione tjera financiare dhe jo-financiare të Shqipërisë. 2.01.2008 - NLB Prishtina starton me operim si bankë e re në Kosovë Pas blerjes së pakos kontrolluese të akcioneve në dy banka kosovare gjatë vitit 2007, NLB Group me qendër në Slloveni ka bërë bashkimin dhe konsolidimin në një bankë të vetme që do të operojë në Kosovë me emrin NLB Prishtina. Pronet ka realizuar në afat rekord implementimin e sistemit informativ qendror bankier dhe gjithashtu paralelisht shkrirjen e dy sistemeve softverike në një sistem unik. Sistemi i integruar informativ përfshin të gjitha punët operative dhe menaxhuese të bankës, si: sportelet, kreditë, financat, resurset njerëzore, menaxhimi i kartelave kreditore, etj. 8.10.2007 - Prezentim i kompanisë dhe i partnerëve në Tiranë më 18 Tetor 2007 Organizohet një prezentim në Tiranë rreth punës, shërbimeve dhe produkteve të Pronetit dhe të partnerëve. Prezentimet kanë të bëjnë kryesisht me zgjidhje të teknologjisë së informacionit të dedikuara për infrastrukturën e kompanive, institucioneve ose organizatave më të mëdha në Shqipëri. Prezantimet do të fillojnë nga ora 9:00 deri në orën 15:00, të enjten më 18 tetor, 2007, në Rogner Hotel, Tiranë. Nëse jeni të interesuar të merrni pjesë kontaktoni në e-mail adresën info@b2-isstra.com. 3.10.2007 - Proneti merr pjesë në Panairin e Teknologjisë së Informacionit në Tiranë Pronet do të merr pjesë me prezentim këtë vit në panairin ITTF në Tiranë, që mbahet prej 4 deri 7 Tetor 2007 në Kongres Qendrën që gjendet përballë Almed Expo. Jeni të ftuar të na vizitoni dhe të bisedoni me ne. Shihemi në Tiranë! 5.07.2007 - Pronet do të implementojë sistemin e Rregjistrit Qendror të Kredive për sektorin financiar të Shqipërisë Pronet ka nënshkruar kontratë të re me Bankën e Shqipërisë për realizimin e sistemit të rregjistrit qendror të kredive për industrinë fiskale të Shqipërisë. Pas implementimit të suksesshëm të sistemit të ngjajshëm në Kosovë, Shqipëria është vendi i dytë ku Pronet do të realizojë këtë sistem për bankën qendrore. Projekti pritet të rezultojë me startimin e punës së sistemit në Janar të vitit 2008 duke i shërbyer të gjitha 18 bankat komerciale dhe disa institucione tjera financiare dhe jo-financiare të Shqipërisë. 8.05.2007 - Pronet feston përvjetorin e 10-të të ekzistimit Sivjet mbushen 10 vite të ekzistimit dhe afarizmit të Pronet-it. Shpresojmë se do të vazhdojmë mëtutje edhe për së paku 10 vite të ardhshme duke u rritur dhe duke e zhvilluar edhe më shumë biznesin tonë, të klientëve tanë të çmuar si dhe të partnerëve tanë strategjik. 10.01.2007 - Pronet nënshkruan kontratë të re me Zyrën e Administratës Gjyqësore të Kosovës Është nënshkruar kontrata e re me ZAGJ në bazë të së cilës Pronet do ta zhvillojë dhe zgjerojë më tutje Sistemin Informativ për Menaxhimin e Rasteve për gjykatat dhe prokuroritë e Kosovës. Kjo fazë, që eshtë e treta me rradhë, parasheh zgjerimin e sistemit për mbulimin edhe të rasteve civile përveq atyre penale si dhe implementimin e sistemit të ri edhe në nivelin komunal përveq atij regjional në rreth 25 komuna të Kosovës. 4.01.2007 - Pronet fillon me projektin për ruajtjen dhe menaxhimin qendror të të dhënave për KEK-un Pronet do të bëjë implementimin e infrastrukturës qendrore kompjuterike që i mundëson KEK-ut menaxhimin, ruajtjen dhe konsolidimin e të dhënave si dhe tolerancën dhe rimëkëmbjen e shpejtë ndaj mosfunksionimeve të ndryshme teknike apo katastrofave eventuale natyrore. Zgjidhja bazohet në produktet më të reja hardverike dhe softverike nga prodhuesit HP dhe Symantec. 16.10.2006 - Pronet është zgjedhur në mesin e 10 partnerëve të HP-së me rritjen më të shpejtë për regjionin EMEA Pronet është zgjedhur në mesin e 10 partnerëve të HP-së me rritjen më të shpejtë për regjionin e Evropës, Lindjes së Mesme dhe Afrikës (EMEA). Çdo muaj kompania HP i nderon Top 10 Partnerët e saj si pjesë e përkushtimit të vazhdueshëm që ti çmojë dhe ti shpërblejë të arriturat e tyre të pakontestueshme në shërbimet shtesë për klientët e përbashkët. Më shumë informata mund të gjeni këtu. 14.06.2006 - Banka Procredit fillon me implementimin e projektit të konsolidimit dhe virtuelizimit të infrastrukturës së TI Banka më e madhe në Kosovë, Procredit Bank, fillon me projektin e konsolidimit dhe virtuelizimit të infrastrukturës së saj të serverëve dhe të ruajtjes së të dhënave. Proneti, si HP Preferred Partner, do ta implementojë zgjidhjen e bazuar në sistemin e ruajtjes së të dhënave HP Enterprise Virtual Array, serverët HP Blade si dhe HP Virtual Tape Library për arkivim dhe bekap të të dhënave. Ky implementim do ti mundësojë bankës Procredit që ta optimizojë dhe ta zhvillojë më tutje infrastrukturën e saj kryesore të TI-së, duke i zvogëluar shpenzimet e menaxhimit dhe mirëmbajtjes së sistemit, si dhe ta zvogëlojë dukshëm kohën e nevojshme për ofrimin e shërbimeve të reja për operacionet e bankës dhe për klientët e saj. 15.03.2006 - Microsoft Office lokalizohet në gjuhën shqipe Microsoft-i ka shpallur zyrtarisht fillimin e përdorimit të Microsoft Office 2003 në gjuhën shqipe. Pakoja e ndërfaqes (interfejsit!) për gjuhën shqipe mund të merret falas nga të gjithë shfrytëzuesit e një kopjeje legale të Office me anë të këtij linku. Pas lokalizimit të MS Windows XP vitin e kaluar, tash edhe pakoja më e popullarizuar në botë për punë të zyrës mund të shfrytëzohet në gjuhën shqipe. 24.11.2005 - Proneti e arrin statusin Microsoft Gold Certified Partner! Proneti i ka përmbushur me sukses të gjitha kushtet për këtë njohje nga ana e kompanisë Microsoft dhe e ka avancuar statusin e autorizuar në Gold Certified Partner! Proneti gjithashtu i mban edhe kompetencat e çertifikuara në vijim: - Advanced Infrastructure Solutions, - Data Management Solutions, - Networking Infrastructure Solutions si dhe specializimet: - Business Intelligence, - Storage Solutions 15.11.2005 - Pronet e arrin statusin HP Preferred Partner Pronet i ka përmbushur me sukses të gjitha kriteret për arritjen e statusit të partnerit të preferuar nga HP dhe prej tash do të njihet si një HP Preferred Partner. Kompania HP e ka lansuar këtë program të ri për partneritet më 1 Nëntor 2005 në mënyrë që ti promovojë edhe më shumë vlerat e partnerëve të saj kyç ndaj konsumatorëve si dhe të vlerësojë investimet e partnerëve në arritjen e kualitetit të lartë të shërbimeve të tyre. 15.09.2005 - Microsoft Windows XP në gjuhën shqipe është gati për përdorim! Microsoft-i ka shpallur zyrtarisht fillimin e përdorimit të Windows XP në gjuhën shqipe. Pakoja e ndërfaqes (interfejsit!) për gjuhën shqipe mund të merret falas nga të gjithë shfrytëzuesit e një kopjeje legale të Windows XP me anë të këtij linku. Me këtë, të gjithë njerëzit shqipfolës anembanë botës hyjnë në grupin e rreth 40 kombeve që mund ta përdorin sistemin operativ më të popullarizuar në botë në gjuhën e tyre. 12.09.2005 - Seminar teknik për produktet dhe zgjidhjet e kompanive Panduit dhe Conteg Proneti do të organizojë një seminar teknik për produktet dhe zgjidhjet teknologjike të kompanive Panduit (www.panduit.com/emea) dhe Conteg (www.conteg.com). Kur: 15 Shtator 2005 Ku: Objekti afarist Pronet në Prishtinë Informata për pjesëmarrje: kontakt Teuta Binxhija (038)557799 25.07.2005 - Aeroporti Ndërkombëtar i Prishtinës do të implementojë zgjidhjen e re për menaxhim të afarizmit Me qëllim të avancimit dhe centralizimit të funksioneve kryesore të afarizmit si dhe automatizimit të proceseve të punës, një grup i integruar i aplikacioneve softverike si dhe sistemi qendror i të dhënave Oracle E-Business Suite do të implementohet në Aeroportin Ndërkombëtar të Prishtinës. Kompania Pronet në partneritet me Fadata nga Bullgaria do ti kryejnë shërbimet inxhinierike duke përfshirë konsalltingun, dizajnin e sistemit, implementimin, testimin dhe përkrahjen teknike. 11.04.2005 - Seminar i Microsoft-it në Prishtinë më 14 Prill 2005 Microsoft do të organizojë një seminar për risitë teknologjike më datën 14 Prill 2005 në Hotelin Grand. Më shumë detaje rreth kësaj ngjarjeje si dhe për mënyrën e rregjistrimit për pjesmarrje mund të gjeni në këtë link. 17.01.2005 - Banka e Re e Kosovës i lansoi shërbimet e veta përmes Internetit BRK sot përmes një konference dhe prezentimi për media, e lansoi web faqen e re për e-banking përmes së cilës i ofron shërbimet bankare për të gjithë klientët e saj përmes Internetit. Web faqen mund ta gjeni në këtë link. 15.01.2005 - Proneti kalon në objektin e ri afarist Kompania Pronet ka kaluar në objektin e ri afarist duke filluar nga dita e sotme. Të gjitha operacionet, duke përfshirë zyret e punës, servisin dhe deponë, kanë kaluar në lokacionin e ri në zonën e re industriale në Veternik në periferi të Prishtinës. Në objektin e ri afarist disponojmë me rreth 1400m2 hapësirë zyreje si dhe rreth 400m2 hapësirë për depo të mallit. Në këtë faqe mund ti gjeni informatat e reja për kontakt si dhe një hartë përshkruese të lokacionit të ri: faqja për kontakt Ne në Pronet jemi të bindur se ky është një hap i madh përpara në misionin tonë të ofrimit të zgjidhjeve dhe shërbimeve kualitative në lëminë e teknologjisë së informacionit. Dhe shpresojmë ti avancojmë edhe më tutje marrëdhëniet afariste me klientët dhe partnerët tanë. 21.10.2004 - Proneti liferon zgjidhjen HP SAN për Ministrinë e Ekonomisë dhe Financave U liferua dhe instalua sistemi i ri qendror i serverëve dhe ruajtjes së të dhënave për Departamentin e Buxhetit dhe Thesarit të Ministrisë së Ekonomisë dhe Financave. Prodhuesi i hardverit dhe softverit është HP dhe sistemi është ndërtuar përreth paisjeve më të reja EVA5000, Proliant DL740 dhe Proliant ML570. 15.09.2004 - "HP Event Day" në Kosovë Një ekip i HP-së që menaxhon tregjet e reja evropiane organizoi në Prishtinë një ditë prezentuese të dedikuar për klientët kosovar. U prezentua strategjia e re e HP-së për një ndërmarrje që i adaptohet rrethanave dhe kushteve të reja të tregut. Audienca ishte e përbërë kryesisht nga njerëzit udhëheqës të menaxhmentit dhe të TI-së nga organizatat dhe firmat më të mëdha të Kosovës si dhe nga institucionet qeveritare të Kosovës. 15.08.2004 - Implementohet Internet Banking për BRK-në Banka e Re e Kosovës së shpejti do të jetë banka e parë në Kosovë që ofron shërbimet e saj bankare përmes Internetit. Ekipi i Pronetit është duke zhvilluar modulet softverike që do ti mundësojnë BRK-së që tu ofrojë klientëve të saj shërbimet bankare pavarësisht se ku gjinden fizikisht dhe në çdo kohë pandërprerë 24 orë në ditë 7 ditë në javë. 1.06.2004 - Ministria e Shërbimeve Publike vazhdon ta ndërtojë rrjetin qeveritar të të dhënave MSHP vazhdon edhe me një fazë të ndërtimit dhe zgjerimit të rrjetit WAN të Qeverisë së Kosovës i cili planifikohet ti lidhë të gjitha ministritë dhe të gjitha ndërtesat komunale nëpër Kosovë. Infrastruktura kurrizore që po ndërtohet bazohet në hardverin dhe softverin e prodhuesit Cisco ndërsa liferimi dhe përkrahja kryhet nga kompania Pronet si partner i Cisco-s në Kosovë. 3.03.2004 - Pronet do ta instalojë platformën testuese të sistemit të ri informatik të menaxhimit të punësimit Në bazë të kontratës me Ministrinë e Punës dhe Mirëqenjes Sociale, sistemi i ri informatik për menaxhimin e punësimit do të paraqes një bazë të distribuuar të të dhënave e cila do të shfrytëzohet nga zyrtarët e Ministrisë nëpër të gjitha qendrat regjionale të punësimit. Sektori i zhvillimit në Pronet është duke e përgatitur për instalim platformën komplete të këtij sistemi i cili planifikohet të fillojë të shfrytëzohet gjatë këtij viti. Sistemi është i bazuar në teknologjinë web për përdorim më të lehtë dhe për shkak të shfrytëzimit të tij on-line në gjithë rrjetin WAN të Ministrisë nëpër Kosovë. Platforma sistemore e përdorur është Microsoft SQL Server, MS C# dhe MS SQL Reporting Services. 21.10.2003 - Mbahet Seminar Trajnimi i PANDUIT-it në Prishtinë Organizohet Seminar Trajnues i Panduit-it për ngritjen e nivelit të shërbimit të firmave instaluese si dhe dijes profesionale në përgjithësi. Seminari mbahet më 4 Nentor në Hotelin GRAND në Prishtinë dhe përbëhet nga dy pjesë kryesore: Bakër dhe Fiber (Panduit Structured Cabling). Për më shumë informata kontaktoni Arta Avdylin në tel (038)-249393. 19.06.2003 - Seminar Teknik i McAfee-it në Prishtinë, më datën 26 Qershor 2003 Seminari i udhëhequr nga z.Tamas Barna nga Network Associates do të mbahet në Hotelin Grand në Prishtinë dhe do të përfshijë produktet softverike dhe hardverike të McAfee-it për mbrojtje kundër virusëve kompjuterik. Seminari do ti ketë dy pjesë: 1. Prezentim Teknik i gamës së produkteve anti-virus të McAfee-it (VSE 7.0, GroupShield, ePO, WS Appliances) 2. Demostrim i gjallë i ePO dhe VSE 7.0 në një rrjet lokal të përbërë prej një serveri dhe tri stacioneve punuese të bazuar në platformëm MS Windows 2000 Për detalet e prezentimit dhe mënyrën e rregjistrimit për pjesmarrje që është gratis, kontaktoni Hatixhe Gashin në tel: (038) 249393. 16.06.2003 - Prezentim/Seminar i 3Com-it në Prishtinë, më 24 Qershor 2003 Prezentimi do të mbahet në Hotelin Grand në Prishtinë dhe do të fokusohet në strategjinë e 3Com-it si dhe zgjidhjet më të reja teknike për ndërmarrjet e vogla, të mesme dhe ato të mëdha. Për pjesmarrje, ju lutemi rregjistrohuni duke thirrur Hatixhe Gashin në telefonin (038) 249393. Nuk kërkohet kurrfarë pagese e kotizimit. 10/3/2003 - Rritet numri i kompanive publike ku implementohet sistemi i ri i faturimit masiv dhe kontabilitetit Është rritur edhe më numri i kompanive publike kosovare që kanë filluar të shfrytëzojnë sistemin e ri softverik të Pronetit për procesimin dhe menaxhimin e faturimeve masive dhe ky numër tash përfshin edhe 14 ndërmarrje të ujësjellësit, 2 ngrohtore dhe 5 ndërmarrje të ujitjes anëkënd Kosovës. 28/2/2003 - Pronet vazhdon të udhëheq si distributor kryesor kosovar për paisje të rrjetit Kompania vazhdon ëdhe këtë vit të jetë distributori kryesor kosovar i paisjeve të rrjetave kompjuterike dhe zgjeron edhe më tej partneritetin me firmat tjera kosovare në këtë lëmi të teknologjisë kompjuterike, numri i të cilave e kalon tridhjetëshin. Furnizimet e rregullta me produkte dhe materiale të ndryshme përfshijnë emrat e njohur botëror si: 3Com, Panduit, Belden, Rittal, Cisco Systems, etj. 10/1/2003 - U nënshkrua marrëveshja afatgjate me Qeverinë e Kosovës për furnizimin e institucioneve kosovare me produkte dhe licenca softverike të Microsoft-it Kjo është kontrata e parë e institucioneve të reja qeveritare të Kosovës për legalizimin e përdorimit të produkteve më të njohura softverike të kompanisë Microsoft. Planifikohet që kompania Microsoft si dhe firma Pronet në cilësinë e Microsoft Certified Partner të organizojnë trajnime dhe seminare të ndryshme për personelin dhe ekspertët e institucioneve të qeverisë. 1/11/2002 - Sistem i ri interaktiv i të dhënave për Shërbimin Policor të Kosovës Inxhinierët e Pronetit kanë përfunduar fazën e parë të zhvillimit dhe implementimit të sistemit të ri të centralizuar dhe interaktiv të bazës së të dhënave për Shërbimin Policor të Kosovës i cili do të përdoret në të gjitha stacionet policore si dhe në departamentet dhe njësitë përkatëse nëpër tërë Kosovën. Ky sistem shfrytëzon platformat LAN dhe WAN të komunikimit dhe përfshin të dhënat dhe procedurat e punës për personelin e SHPK-së, mjetet themelore si dhe sistemin e të ardhurave personale. 2/8/2002 - Projekti për Pensionet Themelore Pronet ka implementuar sistemin informatik për Administratën e Pensioneve të Kosovës që është në kuadër të Ministrisë së Punës dhe Mirëqenjes Sociale. Kjo zgjidhje e integruar softverike e mbulon në tërësi procesin e punës dhe menaxhmentin e të dhënave për shtyllën e pensioneve themelore në Administratën Pensionale të Kosovës. Platforma e zhvillimit dhe e përdorimit të sistemit përfshin MS Windows 200 Server, MS SQL Server 2000 dhe Borland Delphi. 16/04/2002 - Nënshkruhet Memorandum i Mirëkuptimit në mes të Pronetit dhe USAID-KBS USAID e ka themeluar dhe udhëheqë me KBS (Kosovo Business Support) që është një program i revitalizimit të biznesit kosovar që i dedikohet ndërmarrjeve të vogla dhe të mesme për përparimin e afarizmit të tyre, mes tjerash duke gjeneruar kështu edhe punësimin. Pronet dhe KBS nënshkruan një Memorandum të Mirëkuptimit që ka të bëjë me veglat e reja softverike për Menaxhment të Financave dhe Kontabilitetit sipas standardeve ndërkombëtare (IAS) që mund të shfrytëzohet nga NVM-të kosovare. Proneti do të zhvillojë, instalojë dhe mirëmbajë aplikacionet softverike, ndërsa KBS do të ofrojë aftësim profesional dhe ndihmë në implementim për ndërmarrjet afariste kosovare. 11/04/2002 - BPK fillon me shfrytëzimin e sistemit të ri të pagesave ndërbankare Pas një faze të shpejtuar të zhvillimit dhe disa ditëve të testimit të suksesshëm, BPK-ja ka lëshuar në punë sistemin e ri elektronik të qarkullimit të pagesave interbankare (Interbanking Clearing House System). Sistemi i ri i zhvilluar në Pronet, do ti mundësojë BPK-së automatizimin e procedurave të transfereve brenda Kosovës, do ta rrisë dukshëm efikasitetin si dhe do të mundësojë disa shërbime të reja në modernizimin e sistemit të përgjithshëm bankar kosovar. Të gjitha bankat kosovare kanë marrë pjesë aktivisht gjatë zhvillimit të sistemit me propozimet e komentet e tyre dhe kanë filluar menjëherë shfrytëzimin e tij. 28/02/2002 - Proneti do të zhvillojë një zgjidhje të integruar për BPK-në U nënshkrua kontrata për zhvillimin dhe implementimin e sistemit të integruar të qarkullimit të pagesave inter-bankare për BPK-në (Autoriteti Qendror i Bankave dhe i Pagesave i Kosovës). Do të zhvillohet një zgjidhje origjinale hardveriko/softverike duke u bazuar në paisjet Compaq, Cisco dhe 3Com. Platforma softverike është MS Windows 2000 ndërsa aplikacionet softverike do të zhvillohen në MS SQL Server 2000 dhe Borland Delphi. 24/01/2002 - Cisco Partner/Reseller Day Cisco Systems dhe Pronet organizojnë 'The First Cisco Partner/Reseller Day', që do të mbahet të enjten më 24 Janar 2002 në Hotelin 'BACI' në Prishtinë. Cisco do të vazhdojë lidershipin e saj në ofrimin e zgjidhjeve afariste end-to-end dhe planifikon të rrisë përkrahjen e Partnerëve dhe Resellerëve në Kosovë. Për ata që kanë pranuar thirrjet, Ju lusim që ta konfirmoni pjesmarrjen tuaj, sa më parë që është e mundur, tek partneri i autorizuar i Cisco Systems, kompania Pronet në Prishtinë përmes telefonit (038 249393); duke e dërguar aplikacionin me fax (038 249393) ose me e-mail (albina@dardaniaonline.com). Shihemi! 16/10/01 - Mbahet Trajnimi dhe Çertifikimi PANDUIT Pronet-i si distributor i Panduit-it për territorin e Kosovës fillon me aktivitetet zyrtare për ngritjen e nivelit të shërbimit të firmave instaluese si dhe dijes profesionale në përgjithësi. Më 16 Tetor në Hotelin GRAND në Prishtinë mbahet seminari i autorizuar trajnues dhe i çertifikimit nga ana e Panduit-it. Kursi i parë është Panduit Structured Cabling PSC (Copper). 10/07/01 - U nënshkrua kontrata me SDC për zhvillim të softverit Është nëshkruar kontrata me SDC-në (Agjencioni qeveritar zviceran për zhvillim ndërkombëtar) për zhvillim, implementim dhe mirëmbajtje të softverit për ndërmarrjet publike të Kosovës që merren me furnizim me ujë dhe menaxhim të mbeturinave. Softveri do të zhvillohet sipas kërkesave specifike të investitorit dhe do të përfshijë modulet për Faturim, Kontabilitet (sipas standardeve ndërkombëtare) dhe për Mjete themelore. Platforma softverike do të jetë Windows Server/Client me MS SQL Server dhe Delphi. Implementimi pritet në fillim të vitit 2002. 16/06/01 - Pronet fillon me distribuimin e produkteve të BRAND-REX-it në Kosovë Me nënshkrimin e kontratës për distribuim, mundësohet furnizim shumë më i mirë dhe më i shpejtë i tregut kosovar me prodhime cilësore të kabllimit nga ana e prodhuesit të mirënjohur anglez Brand-Rex.		Kërko   2.10.2008 - Ben-af do të implementojë zgjidhjen Microsoft Dynamics NAV me ndihmën e Pronetit 25.09.2008 - Western Union bëhet klienti më i ri i Pronetit nga industria e shërbimeve financiare 8.07.2008 - Pronet, për herë të tretë me rradhë, në mes të 10 kompanive më të rregullta në pagesën e tatimeve në Kosovë arkiva

kërko | harta | na kontaktoni | privacy	Copyright © 1997-2008 Pronet.  Të gjitha të drejtat të rezervuara.